Kush tha që njeriu nuk duhet të ketë sjellje negative? Psikologët në fakt kanë rekomanduar të kundërtën. Sipas tyre njerëzit duhet të kenë disa karakteristika, të cilat edhe pse cilësohen si negative, i bëjnë mirë shëndetit mendor të gjithsecilit.
Mënyra se si ne reagojmë ndaj disa problemeve, mund të mos jetë idealja në syrin e të tjerëve, por psikologët e sugjerojnë.
Të qarët
Mund t’ju duket ndoshta e kotë, por të qarët është një sjellje e shëndetshme në disa situata. Por pse?
E qara është një çlodhje emocionale, e cila lejon të përballoni dhembjen dhe të rifilloni të nesërmen me më shumë pozitivitet. Si lotët e dhembjes ashtu edhe ata të lumturisë, e ndihmojnë mendjen tuaj të eliminojë atë energji që mund të jetë e dëmshme nëse përmbahet.
E folura me veten
Të flisni me veten ju bën mirë. Nuk duhet të ketë më paragjykime mbi këtë gjë, sepse realisht nuk është ashtu siç të gjithë e mendojnë. Sipas disa studimeve, të folurit me vetveten rrit e inteligjencën, ndërsa do ju ndihmon të zgjidhni në autonomi totale problemet që keni, më lehtë dhe më shpejtë. Ndër të tjera, të folurit me veten do t’ju ndihmonte të shfryheshit, pak a shumë siç ndodh në rastin kur shkruani.
Vetmia
Edhe vetmia duket se ka aspektet e saj pozitive: në fakt, vetmia ndihmon në arritjen e një niveli më të thellë të vetvetes, të cilin nuk mund ta zbulojmë nën shoqërinë e të tjerëve. Qëndrimi me veten, duke përfshirë edhe stimujt e jashtëm herë pas here, mund të bëjë mirë dhe të ndihmojë në rritjen e brendshme.
Nevrikosja
Kush tha se nervozizmi duhet konsideruar gjithnjë negativ? Të qenit të nervozuar (me kufi) mund të ndihmojë në ndryshimin drejt aspektit pozitiv. E rëndësishme është të përdorim nervozizmin në mënyrë pozitive dhe konstruktive, për të ndryshuar për më mirë.
Mosbindja
Të mosdëgjuarit apo mosbindja ndaj të tjerëve, nuk mund të jetë medoemos një sjellje arrogante ose antisociale, siç besohet shpesh: mund të ndodhë që të jetë më mirë të ndiqni instinktin tuaj më shumë sesa këshillat e gabuara apo zërat e jashtëm. Mundohuni të kuptoni se kur është rasti për të reaguar në këtë mënyrë dhe për të qenë disi të urtë.
Mospërshtatja
Mospërshtatja me shoqërinë e sotme ose me disa situata që na shfaqen në jetë, mund të jetë e dhembshme, por nuk ka asgjë më të kënaqshme dhe pozitive sesa të mendoni me kokën tuaj dhe të gëzoni ideale dhe vlera të ndryshme për t’i çuar përpara: kjo, në fakt, mund t’ju bëjë të zbuloni pjesë të reja të fshehura tuajat dhe ju mund të jetoni në një botë të re dhe më të mirë.
