Rrathët e zinj poshtë syve janë një problem i madh që zor se mund të fshihen. Pavarësisht grimit, orëve të gjumit apo shplodhjes, ato duken sërish.
Patjetër që të lartpërmendurat ndikojnë në krijimin apo theksimin e rrathëve, por nuk janë shkaktarët e vetëm. Dehidratimi ose anemia kontribuojnë. Po ashtu, ekspozimi i tepërt në diell mund t’i shfaqë.
Ka disa metoda natyrale që ju mund të provoni, të cilat kanë rezultuar mjaft efektive. Këto metoda janë tërësisht natyrale dhe të thjeshta, pa shumë shpenzime. Mund të aplikoni llumin e mbetur në fund të kafesë te rrathët e syve. Kafeina do të ndihmojë kontraktimin e enëve të gjakut e për pasojë do të zbehë rrathët. Mbajeni llumin për 30 minuta dhe më pas shpëlajeni.
Medota e dytë ka nevojë për pak përgatitje. Ju duhet xhel Aloe Vera, vaj bajamesh dhe kapsula me vitaminë E. Përzjeni dy lugë çaji xhel, dy lugë çaji vaj bajamesh dhe katër kapsula vitaminë E. Miksin aplikojeni te lëkura rreth syve çdo natë. Pas disa përdorimesh do vini re zbehjen e rrathëve./E.L
