Vijon të mbetet mister fati i të shumëkërkuërit të policisë, Ervis Martinaj. Teksa policia dhe prokuroria ende nuk kanë dhënë një version zyrtar se çfarë ka ndodhur me “Mbretin e basteve”, në media po qarkullojnë foto të tij të cilat nuk dihet nëse janë të tanishme ose të mëparshme.
Fotoja e fundit e publikuar në media është një “selfie” që shfaq Martinajn në plazh. Nga xhami i syzeve duket se bëhet fjalë për një plazh në jug të vendit, ndërsa pas tij ndodhet një person tjetër, në rolin e badigardit.
Kujtojmë se Martinaj u zhduk në 9 gusht dhe tashmë po bëhen dy muaj që nuk dihet asgjë mbi fatin e tij. Herën e fundit që Martinaj është shfaqur në publik ka qenë në një hotel në Durrës në shoqërinë e një vajze të njohur të ekranit dhe të oficerit të operacionales që tashmë ndodhet në qeli, Jeton Lami.
