Analisti Redi Shehu shprehet se në luftën më të re që ka shpërthyer prej katër ditësh, Izraeli është rreziku më i madh, pasi sipas tij Irani edhe pse është një shtet me qasje negative është i kontrollueshëm përmes marrëveshjeve ndërkombëtare.
Në studion e emisionit “Opinion” në Tv Klan, Shehu theksoi se, Irani është një armik i vendit tonë, pasi na ka sulmuar, por Izraeli sipas tij ‘mban në kurriz’ një genocid dy-vjeçar në Gaza.
“Po ta shohësh në konflikt ne Iranin e kemi armik sepse na ka sulmuar, por përballë Izraelit, Irani që ka nënshkruar mërrëveshjen e mospërhapjes së armëve bërthamore, ka pranuar gjithë inspektorët për kontrollet e siteve të veta, përballë një Izraeli që ka një genocid dy vjeçar në kurriz, një vend që sulmon kundër çdo rregulli ndërkombëtar Libanini, Jemenin, tani Iranin, pavarësisht se… Vret dhe masakron vetëm 55 mijë vetë dhe 168 janë vrarë sot duke marrë bukë, dhe sot janë vrarë 50 vetë duke marrë bukë. Ky shtet që ka edhe armë bërthamore, për mua është rreziku më i madh. Ai që nuk pranon Izraeli është ekzistenca e dy shteteve, edhe Hamasi e pranoi. Në këtë histori rreziku më i madh është Izraeli sepse Irani ishte i kontrollueshëm përmes një marrëveshjeje ndërkombëtare”, u shpreh Shehu.
Sipas Shehut, sulmi i Izraelit në Iran në kohën kur po diskutohej për një marrëveshje, është bërë për të shkatërruar këto bisedime, ku theksoi edhe përpjekjen për përfshirjen e SHBA-së në këtë konflikt.
“Tani në mes të një marrëveshje ti e sulmon. Për çfarë? Një, për të shkatërruar marrëveshjen. Dy, për të tërhequr SHBA në një konflikt më të madh se sa mendohet dhe tre… Historikisht ju kujtohet që në 2002 Netanyahu dilte e thoshte në Konmgresin Amerikan që Iraku ka armë kimike dhe e bindi Kongresin që të sulmojë dhe pastaj me turp tha që s’u gjet asnjë armë kimike. Narativa për të demonizuar se ka që në ‘92 ka dalë dhe ka thënë që për 1 vit, Irani bën armë bërthamore. Ka 33 vite që ky thotë nesër do vëmë bombën. Në këtë situatë një shtet që mund të kontrollohet, negativ siç është Irani, karshi një të pabinduri që nuk pyet asnjë ligj ndërkombëtar për mua është më i rrezikshmë”, theksoi Shehu.
