Kronikë

Kërkohej prej 22 vitesh, arrestohet në Itali shqiptari i dënuar për vrasje



Bëhu pjesë e Grupit Zyrtar të Opinion.al
>> KËTU <<
               Publikuar në : 10:19 - 13/07/22 |
Opi Nion

Policia italiane ka vënë në pranga një 40-vjeçar shqiptar, i cili ishte dënuar nga Gjykata e Tiranës me 25 vite burg për vrasje.

Sipas mediave italiane, 40-vjeçari shqiptar kërkohej nga drejtësia shqiptare prej 22 vitesh, ndërsa mbi të rëndojnë veprat penale “Vrasje”, “Armëmbajtje pa leje dhe grabitje”.

Mësohet se shqiptari ishte shpallur në kërkim që në fillim të vitit 2000 kur pas një grabitjeje në Shqipëri vrau një bashkëqytetar dhe më pas u arratis.

Që në momentin e fakteve ai fshihej në Itali, nën identitet të rremë, ku banon me një pjesë të familjes së tij të origjinës.

Mediat italiane shkruajnë se në hetime kanë bashkëpunuar edhe autoritetet e Tiranës dhe policia qendrore. Personi i arrestuar është vënë në dispozicion të organit gjyqësor dhe pritet ekstradimi i tij në drejtim të Shqipërisë./Opinion.al

Pas