Kronikë

17-vjeçari në telashe me policinë, i kapet kallashnikovi afër banesës në Tiranë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:22 - 13/07/22 |
Opi Nion

Policia e Tiranës ka informuar se është sekuestruar një armë zjarri kallashnikov dhe një sasi municioni luftarak dhe ka proceduar penalisht një 17-vjeçar që i kishte fshehur në rrugë, afër banesës së tij.

Gjithashtu janë proceduar penalisht edhe 2 shtetas të tjerë, për moskallëzim krimi.

Mësohet se bazuar në informacionet e siguruara falë bashkëpunimit me qytetarët, se në rrugën “Gjergj Legisi”, një shtetas kishte fshehur armë zjarri afër banesës së tij.

Gjatë kontrollit të ushtruar në afërsi të kësaj banese, policia ka gjetur të fshehur mes shkurreve, një armë zjarri kallashnikov dhe një sasi municioni luftarak, të cilat u sekuestruan në cilësinë e provës materiale.

Shtetasin R.R., 17 vjeç, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

Gjithashtu, u proceduan penalisht për veprën penale “Moskallëzimi i krimit”, shtetasit B. K., 40 vjeç dhe I. Z., 39 vjeç, të dy banues në Tiranë.

Drejtoria Vendore e Policisë Tiranë falënderon qytetarët, për bashkëpunimin, dhe i fton që të vazhdojnë të denoncojnë në numrin 112 dhe në Komisariatin Dixhital, çdo rast paligjshmërie që ata evidentojnë./Opinion.al

Pas