Twitter mund të gjobitet deri në 250 milionë dollarë nga Komisioni Federal i Tregtisë. Gjigandi i mediave sociale dyshohet se ka përdorur të dhënat e marra për qëllime sigurie për marketing të personalizuar gjatë periudhës 2013-2019.
Kompania pranoi tetorin e kaluar se kishte dërguar fushata publicitare te përdoruesit e saj, “pa dashje”, duke përdorur detajet e kontakteve të tyre, marrë për arsye sigurie. Personave që hapin një llogari në Twitter u kërkohet të japin numrin e telefonit për të ulur rrezikun e vjedhjes së llogarisë.
Komisioni Federal i Tregtisë është marrë edhe më parë me rrjetet sociale, pasi arriti një marrëveshje me Facebook sipas të cilës kompania e Mark Zuckerberg pagoi një gjobë prej 5 miliardë dollarësh për keqpërdorimin e të dhënave të përdoruesve./Opinion.al
