Përpara se të hidheni përpjetë nga gëzimi që Mërkuri nuk është më në prapavijë, na lini t’ju presim vrullin me dy fjalë. Prapahija nis sot dhe gjithë kaosi që keni përjetuar kohët e fundit nuk merr fund me kaq. E dimë, është mizore. Mërkuri ka qenë në prapavijë që javën e dytë të gushtit dhe ka shkaktuar gjithë prapësitë dhe telashet e mundshme.
Edhe sa herë të tjera do të na prishet telefoni krejt papritur? Edhe sa herë të tjera do të ziheni me partnerin për çikërrima? Edhe sa herë të tjera do t’ju prishen planet e pushimeve? Edhe sa herë do të kaloni ditë të mizershme sepse jeni në humor të keq? Mërkuri në prapavijë ka shkaktuar dëme boll. Ka edhe pak punë për të bërë.
Fatmirësisht do të zgjasë vetëm dy javë. Prapahija i referohet periudhës që i duhet planetit për t’u rrotulluar në kahun e drejtë. Mërkuri vjen në vete më 19 shtator dhe deri atëherë, duhet duruar.
Mendojeni në këtë mënyrë: planetet në prapavijë na bëjnë njerëz më të mirë. Periudhat sprovuese na bëjnë të mendojmë jashtë kutisë, të jemi më të vëmendshëm e të përpiqemi më shumë. Muajt e fundit ishin vërtetë stresues. Mund të keni bërë hapa mbrapsht, mund të jeni zënë me dikë të afërt dhe mund t’ju jetë bërë jeta katrahurë. Të përballesh me gjithë këto të rrit si njeri. Në momentin që prapahija merr fund dhe jeta kthehet në normalitet, do të jeni të aftë të zgjidhni çdo problem në majë të gishtave. Pas një muaji të tërë vuajtjesh, mund të tejkaloni çdo sfidë që ju sjell jeta./Anabel
