Ashtu siç u ka ndodhur shumë artistëve në botë, edhe këngëtarja Iggy Azalea po përballet me publikimin e disa fotove nudo të saj që janë duke qarkulluar në rrjet.
Menjëherë pas publikimit të këtyre imazheve pa lejen e saj Azalea ka reaguar në rrjete sociale duke thënë se ato foto janë realizuar për kopertinën e revistës GQ në Australi në vitin 2016-të.
“Shumë gra të famshme kanë realizuar fotografi të zhveshura për revistën australiane GQ dhe kanë vendosur duart në vendet më intime. Gjithmonë më janë dukur fotografi të bukura kështu që e shfrytëzova mundësinë. Nuk kam parë fotografi të grave të tjera që të jenë zbuluar veç atyre artistike, prandaj u ndjeva komode që t’i realizoja, ndërkohë që isha në një set privat për këto foto. Nuk e dija që do të publikoheshin këto foto. Ndjehem e mashtruar, e turpëruar, e dhunuar, e zemëruar dhe e mërzitur e një milion gjëra të tjera. Jo vetëm që nuk kam patur dëshirë që ato të publikohen, mirëpo jam e habiur edhe për mënyrën se si kanë reaguar njerëzit”,-u shpreh këngëtarja.
Ajo po planifikon që të ngrejë padi për personat që publikuan fotografitë e saj nudo, por nuk ndihet e turpëruar për asgjë pasi sipas saj nuk është fajtore për publikimin e këtyre fotove nudo./Opinion.al/
