Një person i shpallur në kërkim ndërkombëtar ka rënë në prangat e Policisë.
Policia e Mallakastrës në bashkëpunim me Interpol Tirana, kanë arrestuar me qëllim ekstradimin drejt Italisë, Myzafer Binajn, 41 vjeç, banues në fshatin Drizar, Mallakastër.
Arrestimi i këtij shtetasi u bë pasi Gjykata e Messina, Itali, në korrik 2019, i ka vendosur urdhër-arresti për veprën penale “Trafikimi i narkotikëve në kuadër të grupit të strukturuar kriminal”.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale./ Opinion.al
KOMENTO (0)
