TIRANË- Një shtetas italian është arrestuar nga policia për transferta të dyshimta në shuma të mëdha. Ka ende pak të dhëna nga policia për aktivitetin e tij por ajo që dihet është se italiani Stefano Bottura kishte arritur të transferonte brenda 3 ditëve jashtë Shqipërisë mbi 1 miliard lekë. 43 vjeçari ishte shpallur në kërkim nga Interpol Roma pasi ishte dënuar nga drejtësia italiane për mashtrim.
Italiani u ndalua në shoqërinë e një tjetër shtetasi italian, të dënuar më parë për trafik droge në Spanjë dhe një 23-vjeçari nga Fieri që akuzohet për moskallëzim krimi. Shtetasve italianë iu gjetën 60 karta bankare, dokumenta në lidhje me transaksione të kryera, fatura, kontrata pune, deklarime tatimore, etj.
