Një operacion nga ajri dhe deti i Guardia Di Finanzias italiane ka bllokuar mesnatën e shkuar një gomone e cila po transportonte rreth 3 kuintal (300 kilogramë) kanabis.
Lajmi konfirmohet nga komanda e Guardia Di Finanzias në Bari e cila në një deklaratë për shtyp njofton se mbrëmjen e djeshme është përgjuar një mjet detar i cili udhëtonte me shpejtësi të lartë drejt Puglias.
Repartet e mbrojtjes së vijës bregdetare u aktivizuan menjëherë nga ajri dhe nga deti dhe pas një ndjekje të shkrutër kanë bllokuar gomonen e gjatë 6 metra.
Brenda saj janë sekuestruar 3 ton marjuanë dhe 10 kilogramë hashish. Sipas njoftimit të autoriteteve italiane, ngarkesa kishte një vlerë prej 3 milionë eurosh në treg.
Si rezultat i operacionit janë arrestuar edhe 2 skafistë shqiptarë të cilët i janë dorëzuar organeve gjyqsore përkatëse thuhet në njoftim.
Ende nuk ka një njoftim nga policia shqiptare lidhur me këtë ngjarje. / Opinion.al
