Policia e Shkodrës ka sekuestruar 90 kg kanabis sativa dhe ka vënë në pranga dy persona.
Në sajë të operacionit të koduar “Alavana” janë vënë në pranga Pjetër Çakaj, 54 vjeç, dhe Mirash Mali, 51 vjeç.
Arrestimi i tyre u bë pasi gjatë kontrolleve të ushtruara në banesën e Pjeter Çakaj, në vendin e quajtur Alavana, fshati Xhan, u gjetën dhe u sekuestruan në cilësinë e provës materiale 9 kg kanabis sativa, dhe një armë zjarri tip pushkë 20-she, me një krëhër me 20 fishekë.
Gjithashtu gjatë kontrolleve të ushtruara në afërsi të banesës së Mirash Malit, në vendin e quajtur Tebreg, fshati Xhan, u gjet dhe u sekuestrua në cilësinë e provës materiale 81 kg kanabis sativa.
