Një sherr masiv ka ndodhur gjatë ditës së djeshme në burgun “Casetti” në Rimini midis të burgosurve shqiptarë dhe atyre marokenë,
Sipas asaj që raportojnë mediat italiane, kanë qenë dy banda ato që janë përplasur midis tyre, por pa bërë të ditur motivimin e saktë të sherrit.
Sherri thuhet se ndodhi gjatë celebrimit të meshës në orët e paradites së të dielës, ku situata doli menjëherë jashtë kontrollit
Nga përleshja krahas të dënuarve që mbetën të plagosur, u lënduan edhe dy agjentë të policisë që u çuan menjëherë në urgjencë, ndërsa të dënuarit e plagosur u mbajtën në spitalin e burgut.
