Kryesore

Ju telefononte natën, zbardhen sjelljet e drejtorit ndaj vajzave të mitura


Bëhu pjesë e Grupit Zyrtar të Opinion.al
>> KËTU <<
               Publikuar në : 16:37 - 07/11/21 |
Opi Nion

Telefonata në orë të vona dhe mesazhe ndaj dy vajzave të mitura. Janë këto vetëm disa nga sjelljet e pazakonta të drejtorit të shkollës 9-vjeçare “Demokracia” në Stropckë të Pogradecit, ndaj dy 14-vjeçareve të cilat e kanë akuzuar për ngacmim seksual.

Sikurse bën me dije abc news, njërës prej vajzave që ka prindërit emigrantë në Greqi për herë të parë i dërgoi një emoi. Kur e mitura nuk reagoi, ai e fshiu. Vajza mundi t’i bëjë screen-shot mesazhit.

“I tregova vëllait mesazhin në Whatsapp. Vëllai të nesërmen erdhi në shkollë. Debatoi me drejtorin dhe i kërkoi llogari. Drejtori i kërkoi të falur” tha 14 vjeçarja.

Sikurse ka pohuar vetë vajza, pas disa ditësh drejtori e ka takuar në oborrin e shkollës, dhe e ka pyetur me detaje se me kë jetonte dhe nëse i ishin kthyer prindërit nga Greqia.

Ndërkaq vajza tjetër ka treguar se ka marrë disa herë thirrje në Ëhatsapp nga Adriatik Haxhillari. Zakonisht i telefononte në mbrëmje dhe pasi nuk merrte përgjigje, shkruante se i kishte rënë gabimisht.

Vajzat kanë treguar se 59-vjeçari konsumonte shpesh alkool në lokalin pranë shkollës dhe hynte në mësim pasi kishte pirë.

Adriatik Haxhillari u arrestua një ditë më parë dhe u pezullua nga detyra, ndërsa Ministrja e Arsimit Evis Kushi tha se tashmë cështja e tij do të nidqet nga drejtësia./Opinion.al

 

Pas