Prodhimi kinematografik ‘Jojo Rabbit’ ka fituar çmimin e parë në Festivalin Ndërkombëtar të Filmit në Toronto.
Filmi satirik i dedikuar Luftës së Dytë Botërore tregon një djalë të vogël në Gjermani që zbulon se nëna e tij është duke fshehur një vajzë hebreje në shtëpinë e tyre. Në rolet kryesore të tij janë aktorët e njohur Scarlett Johansson dhe Roman Griffin Davis.
Kjo arritje e klasifikon filmin “Jojo Rabbit” në listën e filmave që mund të fitojë çmimin Oscar në kategorinë e filmit më të mirë për vitin 2020, pasi fitorja në Toronto konsiderohet mjaft e rëndësishme.
Vitin e kaluar filmi ‘Green Book’ fitoi çmimin e parë në festivalin e Torontos dhe më pas fitoi edhe në ceremoninë e ndarjes së çmimeve Oscars.
Përveç Green Book, e njëjta situatë është paraqitur edhe për filmat, ‘Slumdog Millionaire’, ‘The King’s Speech’ dhe ‘12 Years A Slave’. ‘Jojo Rabbit’ vjen në regjinë e Taika Waititit.
Ky film do të prezantohet edhe në Festivalin e Filmit në Londër në muajin tetor, ndërkohë që në kinema do të nisë të shfaqet në janar të vitit të ardhshëm./Opinion.al/
