Bota

Johnson perëndimit: Të mos njohim në Kabul asnjë qeveri pa marrëveshje


Bëhu pjesë e Grupit Zyrtar të Opinion.al
>> KËTU <<
               Publikuar në : 19:38 - 15/08/21 |
Opi Nion

Kryeministri Boris Johnson tha se askush nuk dëshiron që Afganistani të bëhet një “terren për terrorin”, pasi talebanët hynë në kryeqytetin Kabul.

Duke folur pas një takimi, ai tha se situata “vazhdon të jetë jashtëzakonisht e vështirë” dhe do të bëhet edhe më shumë.

Johnson u bëri thirrje fuqive “që mendojnë njëlloj” të punojnë së bashku dhe të mos njohin asnjë qeveri të re pa marrëveshje.

Parlamenti britanik do mblidhet të mërkurën për të diskutuar situatën.

Situata është “jashtëzakonisht e vështirë” në Afganistan dhe “po bëhet më e vështirë. Prioriteti ynë është të sigurohemi që ne të përmbushim detyrimet tona ndaj shtetasve britanikë, të gjithë atyre që kanë ndihmuar përpjekjen britanike në Afganistan gjatë 20 viteve, dhe t’i nxjerrim ata sa më shpejt që të mundemi”.

Johnson tha se ambasadori britanik, i cili mbetet në Kabul, po punon gjatë gjithë kohës për ta bërë këtë dhe ka qenë në aeroport për të ndjekur procesin.

“Ajo me të cilën po përballemi tani ka shumë të ngjarë të jetë ardhja e një regjimi të ri në Kabul. Ne nuk e dimë ende saktësisht se çfarë lloj regjimi do të jetë”, u shpreh Johnson.

Johnson tha se Britania e Madhe do të punojë me Këshillin e Sigurimit të OKB -së dhe vendet e tjera të NATO -s për të ndaluar që Afganistani të kthehet përsëri në terror dhe bëri thirrje për një “përpjekje ndërkombëtare” nga ana e Perëndimit.

Ai pranoi se vendimi i SHBA për t’u tërhequr nga vendi i kishte “përshpejtuar gjërat” në Afganistan, por tha se dihej që kjo ishte mënyra se si do të shkonin gjërat.

Zyra e Jashtme, tha se Mbretëria e Bashkuar ka zvogëluar praninë e saj diplomatike, por stafi qeveritar “vazhdon të punojë për të ofruar ndihmë për shtetasit britanikë dhe stafin afgan”. “Ne po bëjmë gjithçka që mundemi për t’i mundësuar shtetasve britanikë të mbetur, të cilët duan të largohen nga Afganistani, ta bëjnë këtë,” tha një zëdhënës./Opinion.al

Pas