Bota

‘Jeta ime e dytë’/ Infermierja lë spitalin pas 8-muajve betejë me COVID-19


Bëhu pjesë e Grupit Zyrtar të Opinion.al
>> KËTU <<
               Publikuar në : 15:08 - 23/12/20 |
Semiljana Azizi

Merlin Pambuan një infermiere në spitalin “Long Beach” në Kaliforni, ka dal pas 8 muajve nga spitali ku ishte e shtuar si paciente me COVID-19.

Në 40 vite punë dhe eksperiencë, Pambuan e dinte shumë mirë se cilat janë pasojat e COVID-19 në trup, por megjithatë infeksioni nuk e kurseu.

Reuters thotë se prej 8 muajsh infermierja kishte kaluar një kalvar të gjatë vuajtjesh, e shtuar në spitalin ku kishte shërbyer prej kohësh.

Ndërkaq, sipas mjekëve infermierja kishte rrezikuar dhe vdekjen. Aq e rëndë ishte gjendja e saj, sa në një moment stafi i spitalit e kishte parë të arsyeshme që të diskutonte me familjen për këtë situatë, duke i përgatitur ata dhe për momentet e saj të fundit të jetës.

“Kjo është jeta ime e dytë”, ka thënë Pambuan pak çast para se të linte dhomën e spitalit e shoqëruar nga burri i saj, Daniel, 63-vjeç dhe vajza e tyre, Shantell, 33-vjeç.

Infermierja  kishte këmbëngulur për të dal nga spitali pa ndihmën e një karrigeje me rrota.

Në kohën kur ajo u përmend dhe mund të merrte frymë vetë, ishte shumë e dobët për të qëndruar në këmbë. Por luftoi me vendosshmëri me javë të tëra duke ndjekur terapi të dhimbshme për të rifituar forcën dhe lëvizshmërinë e saj.

Media thotë se Merlin Pambuan  festoi  dhe 66 vjetorin e lindjes në repartin akut të rehabilitimit të Shën Mërisë në fund të Tetorit.

Të hënën infermierja më një eksperiencë 40-vjeçare arriti të mundte sëmundjen dhe të dilte e fortë dhe me këmbët e saj nga spitali. Mjekët të cilët janë kujdesur për të e kanë quajtur një arritje të madhe shërimin e 66-vjeçares, duke e cilësuar kështu edhe si shpërblim.

Kjo është ajo për të cilën jetojmë … të shohim  pacientët tanë duke shkuar në shtëpi të gjallë dhe në gjendje të mirë”, tha Dr. Maged Tanios, një specialist i kujdesit pulmonar në St. Mary. Ai u shpreh se shërimi i Pambuan ishte veçanërisht shpërblyes pasi ajo është pjesë e “familjes” së gjerë të spitalit.

Kur u pyet se nëse do të kthehej apo jo sërish në krye të detyrës nuk dha një përgjigje të saktë, ndërkaq infermierja Merlin Pambuan dha një mesazh për të gjithë: Mos e humb shpresën. Thjesht luftoni. Luftoni. Unë jam duke shkuar në shtëpi dhe jam duke ecur. /Opinion.al

Pas