Një panel në Ministrinë e Shëndetësisë të Japonisë ka miratuar pilulën e parë të abortit në vend.
Bordi farmaceutik i ministrisë i dha miratimin të premten MeFeego Pack, një pilulë aborti e prodhuar nga farmaceutike britanike Linepharma, sipas një zëdhënësi nga Ministria e Shëndetësisë, Punës dhe Mirëqenies.
Ministria ishte mbledhur fillimisht në janar për të rishikuar medikamentin, përpara se të kërkonte që publiku të paraqiste opinionet e tij përmes një portali online.
Mjekimi përbëhet nga dy lloje pilula dhe mund të përdoret brenda nëntë javëve të shtatzënisë, sipas transmetuesit publik japonez NHK. Në një provë klinike në Japoni, 93% e pjesëmarrësve kishin një abort të plotë brenda 24 orëve, raportoi NHK.
Ilaçi kombinon mifepristone dhe misoprostol, të cilat Organizata Botërore e Shëndetësisë e ka përfshirë në listën e saj të barnave thelbësore, të përshkruara si të sigurta dhe efektive për gratë shtatzëna.
Deri më sot, vetëm aborti kirurgjik është i disponueshëm në Japoni përmes dy metodave: metodës së kuretazhit, e cila heq indin brenda mitrës me një instrument metalik dhe metodës së evakuimit, e cila thith indet përmes një tubi, sipas NHK.
OBSH e ka përshkruar kiretazhin si një metodë “të vjetëruar” që është më pak e sigurt dhe shumë më e dhimbshme dhe ka kërkuar që ajo të zëvendësohet me metodën e evakuimit ose me ilaçe si pilulat e abortit.
Lëvizja vjen gjithashtu pasi aborti dhe të drejtat riprodhuese kanë fituar vëmendje të ringjallur në mbarë botën.
Që atëherë, një numër shtetesh e kanë kufizuar aksesin në aborte, ndërsa të tjerët u zhvendosën për të rritur aksesin.
Aktivistët japonezë kanë bërë presion për vite për miratimin e pilulave, me ilaçe të ngjashme të disponueshme dekada më parë në vende të tjera, ndërsa Japonia mbeti gjithnjë e më mbrapa.
Sipas ligjeve ekzistuese të Japonisë, gratë mund të abortojnë vetëm nëse një shtatzëni “mund të dëmtojë ndjeshëm shëndetin fizik të personit për arsye trupore ose ekonomike” ose nëse ato mbeten shtatzënë për shkak të përdhunimit./Opinion.al
