Pikepyetjet per nje perfundim te shpejte te autostrades Tirane-Elbasan sa vijne e shtohen. Vonesat linden qe kur kompania pezulloi punimet mbi nje vit me pare me pretenidmin e nje fondi shtese per zonen e rreshqitshme. Por duket se shtesa e ketij fondi nuk mund t’ia zgjidhe problemet, raporton ABC News.
Kompania greke Aktor, e kontraktuar nga qeveria shqiptare për ndërtimin e rruges rezulton te kete dhjetra milione euro borxhe. Te dhenat e saj financiare, prane qendres kombetare te biznesit tregojne se borxhi i Aktor ne fund te vitit te kaluar ishte 7.4 miliardë lekë, ose 54 milionë euro. Me shume se gjysma e ketij borxhi, rezulton te jete ndaj furnitoreve te shoqerise. Mbi 2 miliarde leke, jane borxhe te krijuara nga kredite e marra, ndersa punonjesve te saj kompania u detyrohet 2.8 milionë lekë.
Kompania qe fitoi tenderin kater vite me pare, raporton se ne 2015-en ka pasur nje humbje financiare prej 1.2 mld lekesh.
Por, veshtiresite financiare duket se kane filluar me heret. Edhe pse qeveria ofroi mbi 15 miliarde leke per punimet e tunelit, Aktor u ofrua te mbyllte punimet me nje vlere 40% me te ulet. Prej me shume se nje viti, kompania ka kerkuar nje vlere shtese financimi prej 60 milione eurosh, per punimet shtese sipas saj ne Ibe, zone ku ka shmbje te herepashershme.
Nga ekstrakti i saj, ne QKR, verehet se disa shoqeri permbarimore kane vene urdher sekuestro mbi asetet e shoqerise, per llogari te kreditoreve. Autostrada Tirane – Elbasan, dhe by passi i Fierit, jane dy kantieret kryesore ne infrastrukture te hapur aktualisht, te dyja me probleme financiare mes kompanive fituesve per punimet dhe nenkontraktoret e tyre. Aktualisht ne rrugen e Elbasanit po punohet, ndonese me ritme shume te uleta.
