Aktualitet

Ja kush janë drejtorët e LSI-së në burg për korrupsion


Bëhu pjesë e Grupit Zyrtar të Opinion.al
>> KËTU <<
               Publikuar në : 12:00 - 08/11/15 |
b.f

Nuk ka një garë të përcaktuar, as ndonjë statistikë që të verifikojë se kush e mban rekordin e arrestimeve në rangun e drejtorëve në nivel partiak në qeverinë Rama-Meta, por fakt është se deri më sot kemi një numër të konsiderueshëm drejtorësh të arrestuar të cilët vijnë nga radhët e Partisë Lëvizja Socialiste për Integrim. Të gjithë të përfshirë në afera korruptive dhe me një shtrirje nga veriu në jug, po ku rekordin e arrestimeve e mban Lushnja. Po kush janë drejtorët e arrestuar deri më sot që i përkasin LSI-së. Emrat e mëposhtëm janë vetëm një pjesë e listës së gjatë të të ndaluarve.

Më 29 shtator 2014, Policia e Durrësit, arrestoi drejtorin e Inspektoriatit të Mjedisit Durrës, Genc Balla, bashkë me vartës të tij, të cilët shtrëngonin për mitmarrje një kompani shqiptaro-kineze. Edhe Balla ishte i emëruar nga LSI.

genc balla

Në tetor 2014 u arrestua drejtori i Burgut Rrogozhinë, Ferdinand Doksani së bashku me dy mjekë, me akuzë se krijonin raporte false mjekësore për të dënuarit, me qëllim që këta të fundit të merrnin leje shpërblyese të pamerituara. Edhe Doksani ishte i emëruar nga  strukturat e LSI-së.

burgu rrogozhine

Në nëntor të 2014, Policia e Lushnjës ndaloi me urdhër të Prokurorisë, drejtoreshën arsimore në këtë qytet, Luiza Tabaku, e cila u merrte shuma të konsiderueshme mësuesve të rinj me qëllim për ti punësuar.

luiza tabku

 

Më qershor 2015, Policia e Tiranës me urdhër të Prokurorisë arrestoi Drejtorin Rajonal të Fondit të Detyrueshëm të Kujdesit Shëndetësor, Pjerin Xhuvani, I cili ishte pjesë e zyrtarëve të dyshuar për abuzim me fondin e ilaçeve të rimbursueshme, ku dëmi llogaritej në vlerën e 500 mijë eurove. Xhuvani ishte kryetar I LSI-së në Elbasan.

pjerin xhuvani

Më 27 qershor 2015, arrestohet në Tiranë, drejtori I Vlerësimit Mjedisor në Ministrinë e Mjedisit, Albert Topçiu, ndërsa po merrte 2 mijë euro rryshfet, drejtuesit të një subjekti ndërtues. Albert Topçiu ishte njëkohësisht edhe drejtues I degës së LSI-së Fier.

albert topciu

Më 14 korrik 2015 arrestohet drejtori i Hipotekës Lushnjë, Elvis Bajazi bashkë me shoferin e institucionit. Ata u kapën në kushtet e flagrancës, duke marrë rryshfet për dhënien e një çertifikate pronësie në Lushnje.

elvis bajaziti

I fundit në radhë është Robert Shtëmbari, Drejtori i Emergjencave Civile në Lushnje, i cili u arrestua mengjësin e datës 4 nëntor 2015 me akuzën korrupsion pasiv të personave që ushtrojnë funksione publike. Shtëmbari I kishte kërkuar 1 milion lekë një qytetari në Lushnje në këmbim të një vendi pune.

robert shtembari

 

KOMENTO (2)

Shkruaj nje koment

Pas