Bambuja – i fortë, i përkulshëm dhe i plotë, ky dru po përdoret në fushat më të paimagjinuara të dizajnit, arkitekturës dhe teknologjisë.
Kudo në Azi, nga shkopinjtë te tasat, skelat edhe skena, bambuja shpesh është shpërfillur nga arkitektura në përdorim të gjerë. Por Vo Trong Nghia, i cili u rrit në një fshat pyjor në Vietnamin verior dhe e dinte sa të fortë, të lehtë dhe praktikë janë, nuk e kuptonte këtë mospërfillje.
Pasi studioi për arkitekturë dhe themeloi firmën e tij, ai filloi të punojë me bambu, duke zbuluar se si ta përkulte dhe t’i jepte formë me nxehtësi, pastaj si të shfrytëzonte gjatësinë e saj për kolona dhe shtylla duke përdorur gozhda bambuje dhe bastun prej palme kacavjerrëse.
Rezultati ka qenë një sërë strukturash stil katedraleje në Kontum, në pjesën qendrore të Vietnamit, të cilat konsistojnë në çati të sheshta që mbahen zbukurime të parafabrikuara prej bambuje të errët, format e të cilave krijojnë harqe elegante.
Samy Rio thyen rekordin me ‘speaker’-in prej bambuje
Puna e tij është pjesë e një rritje të përdorimit të kohëve të fundit për bambu, së pari në Azi dhe gjithnjë e më shumë në Perëndim. Ajo është duke u përdorur për të bërë gjithçka; nga biçikleta e deri te sistemet e tingujve.
Kjo po nxitet nga dy gjëra. E para është mjedisi. Bambuja mund të rritet deri në 60 cm në ditë, kështu që është gati për të korrur më shpejt se druri dhe kompensohet më shpejt. Ishte qëndrueshmëria arsyeja pse Kristoffer Eng, një dizajner norvegjez me një sfond në shkencën klimatike filloi ta përdorë. Kompania e të tij, Ask og Eng, bën kuzhina elegante minimaliste prej bambuje. Ai i përdor në një formë kompensate: shtresat e holla i lidh së bashku në panele – kabinetet e tij dhe sipërfaqet e punës i trajton më pas me dyll dhe i lëmon.
Faktori i dytë është teknologjia. Dirk Hebel, një profesor në Institutin Federal të Teknologjisë Zvicerane në Zyrih, ka krijuar një material të përbërë duke nxjerrë fibra nga bambuja dhe duke e përzierë me rrëshirë për të krijuar një substancë që mund të pritet në fletë, tulla dhe pllaka. Katër herë më e lehtë se çeliku, por me forcë më të madhe, bambuja po shfaqet si një alternativë për të përforcuar betonin. Bambuja është gjithashtu duke u përdorur si një zëvendësim për plastikën. I fortë dhe fleksibël, ai i reziston nxehtësisë dhe insulon zërin.
Vitet të fundit Samy Rio, një dizajner francez, e ka përfshirë bambunë në produkte të teknologjisë. Midis tyre janë një tharëse flokësh dhe një speaker në formë cilindrike. Edhe pse ka zëvendësuar plastikën në këto produkte, bambuja ka një disavantazh: është biodegradues./Opinion.al
