Te Fundit

Iu gjet ekstazi, kokainë e LSD, arrestohet 35-vjeçari në Tiranë



Bëhu pjesë e Grupit Zyrtar të Opinion.al
>> KËTU <<
               Publikuar në : 11:44 - 01/09/22 |
Opi Nion

Një 35-vjeçar, i cili shpërndante drogë në zona të ndryshme të kryeqytetit është vënë në pranga nga policia.

Uniformat blu bëjnë me dije se në kuadër të operacionit të koduar “Miks”,është arrestuar në flagrancë D. L., 35 vjeç, banues në Tiranë. Gjithashtu u procedua penalisht në gjendje të lirë shtetasi G. D., 27 vjeç, për veprën penale “Moskallëzimi i krimit”.

Në afërsi të Brrylit, oficerët e Policisë kanë lokalizuar dy personat. Gjatë kontrollit fizik ndaj shtetasit D. L. dhe kontrollit në banesën e tij, shërbimet e Policisë gjetën dhe sekuestruan, në cilësinë e provës materiale, lëndë narkotike, rreth 65 tableta ekstazi, sasi lënde narkotike MDMA dhe LSD, sende që shërbejnë për konsumimin e lëndëve narkotike dhe shuma parash që dyshohet se janë përfituar nga ky aktivitet kriminal.

Nga veprimet hetimore ka rezultuar se ky shtetas pasi siguronte lëndët narkotike ekstazi, kokainë, LSD dhe MDMA, i shpërndante ato në zona të ndryshme të Tiranës, kryesisht në afërsi të Bllokut, Unazës së Re dhe Ish-stacionit të Trenit.

Materialet i kaluan Prokurorisë, për veprime të mëtejshme procedurale.

Pas