Aktualitet

Italianët në Vlorë anëtarësohen tek PS,Rama: Vijnë e rinohen,larg rrëmujës


Bëhu pjesë e Grupit Zyrtar të Opinion.al
>> KËTU <<
               Publikuar në : 15:46 - 18/02/21 |
Semiljana Azizi

Kryeministri Edi Rama ditën e sotme nga qyteti i Vlorës u ka dorëzuar kartën e anëtarësimit në Partinë Socialiste disa shtetasve italianë që sëfundmi janë zhvendosur për të jetuar në Vlorë.

Duke biseduar me disa prej tyre Rama është shprehur se ka pasur një lidhje të fortë me Vlorën që prej fëmijërisë.

“Unë kam pasur një pjesë të rëndësishme të fëmijërisë sime në Vlorë dhe është pjesa më e bukur e fëmijërisë sime. Janë pushimet verore ku vija çdo vit në shtëpinë e gjyshes sime. Kam pasur mundësinë të vihem në kontakt dhe më pas të zhytem në kulturën italiane. Këtu në Vlorë mund të shihej televizioni italian nëpërmjet valëve që vinin drejtpërdrejtë pa u errësuar, Jeta u tregua bujare me brezin tim sepse patëm mundësinë  e madhe për të kaluar nga ajo pjesa e mbyllura nga bota në këtë pjesën tjetër. Kemi qenë të parët që mund të dilnim në atë kohë pasi të tjerëve iu desh të prisnin. Apo ndërruan jetë si gjyshi im.Për të gjysma e parë e jetës ka qenë bujare.”- tha Rama.

Sipas kryeministrit është kënaqësi për të, të shohë një trend në fillesat e veta, që italianët zgjedhin Shqipërinë duke shtuar se ata që janë të moshuar vijnë në Shqipëri për t’u rinuar larg rrëmujës italiane.

“Është kënaqësi e madhe të shoh këtë trend që është në fillesat e veta që italianët zgjedhin Shqipërinë. Të moshuar që vijnë në Shqipëri dhe rinohen larg nga rrëmuja italiane. Kur Damiani më tha që ka disa italianë që duan të anëtarësohen në PS thashë erdhëm edhe te kjo sepse përpara vetëm shqiptarët anëtarësoheshin në parti të huaja. Jam i sigurt që do të ketë edhe nga ata që do arrijnë edhe në parlament një ditë. Jam i sigurt për ata që do qëndrojnë këtu do vijë koha të marrin edhe nënshtetësinë. tha Rama./Opinion.al

Pas