Aktualitet

PD: Rama dështoi me vaksinimin, ne kemi një plan për të shëruar Shqipërinë


Bëhu pjesë e Grupit Zyrtar të Opinion.al
>> KËTU <<
               Publikuar në : 15:52 - 18/02/21 |
Doriana Çepunaj

Partia Demokratike ka denoncuar këtë të enjte mungesën e vaksinimit në vend. Eksperti i Shëndetësisë në PD, Gazment Koduzi, i referohet The Our World in Data”, në Shqipëri, e cila tregon se deri në datën 14 shkurt, janë administruar 0.04 doza vaksina për 100 banorë, ndërsa mesatarja e Europës deri në 16 shkurt ishte 5.91 doza për 100 banorë.

Sipas Koduzi, Edi Rama ka dështuar me vaksinimin ndaj dhe duhet larguar në zgjedhjet e 25 prillit, ndërsa  PD ka një plan për të shëruar Shqipërinë.

“Shqipëria me Edi Ramën është në vendnumëro për çdo gjë. Me gjithë propagandën boshe të kryeministrit në ikje, Shqipëria renditet një nga vendet me avancimin më të pakët në vaksinimin e popullsisë në Europë.

Sipas “The Our Ëorld in Data”, në Shqipëri deri në datën 14 shkurt, janë administruar 0.04 doza vaksinash për 100 banorë, ndërsa mesatarja e Europës deri në 16 shkurt ishte 5.91 doza për 100 banorë. Edi Rama gënjeu kur tha se kishte garantuar dozat e mjaftueshme për vaksinimin e popullsisë.

Të dhënat reale tregojnë krejt të kundërtën dhe provojnë dështimin e tij dhe të qeverisë në sigurimin e vaksinës. Edi Rama ka dështuar në gjithçka këto 8 vite dhe nuk ka mbajtur asnjë premtim ndaj dhe ka dështuar edhe në menaxhimin e pandemisë COVID-19.

Edi Rama nuk mendon për shqiptarët, por për veten e tij dhe miqtë e tij, të cilëve u jep me PPP paratë e taksave tona. Edi Rama ka dështuar ndaj dhe duhet larguar pasi nuk mund të ketë më në dorë fatet dhe jetën e shqiptarëve. PD ka një plan për të shëruar Shqipërinë. Me 25 prill fitojnë shqiptarët dhe humbet Edi Rama”, tha ai.

 

Pas