Bujar Sejdinaj, njeriu i besuar i Ndranghetas në Shqipëri, i njohur me nofkën “Xhaxhai”, pritet të ekstradohet drejt Italisë. Janë autoritetet e italiane ato që kërkojnë ekstradimin e tij, pasi Sejdinaj akuzohet se ka marrë pjesë në blerjen e 20 kg kokainë në Spanjë për llogari të një klani mafioz në shtetin fqinj.
Sikurse News 24 raporton, kërkesa për ekstradim ka arritur dy ditë më parë në Ministrinë e Drejtësisë, e cila ia ka përcjellë Prokurorisë së Përgjithshme. Është kjo e fundit duhet t’ia japë prokurorit përkatës, e më pas ky i fundit ta dorëzojë në gjykatë për të marrë vendimin.
Bujar Sejdinaj 61 vjeç, i ka mohuar akuzat ndaj tij. Ai ka thënë se është marangoz dhe ka kërkuar nga gjykata që të lirohet, me argumentin se është invalid.
Sejdinaj u arrestua gjatë një operacioni të shtrirë në disa vende si Kosta Rika, Argjentinë, Itali e Shqipëri pasi pati negocime për blerjen e 20 kg kokainë në Spanjë./Opinion.al
