Kryeprokurori i AIA, Rosario D’Onofrio është ndër 42 të arrestuarit në operacionin e Guardia di Finanza dy ditë më parë, si pjesë e një hetimi që çoi në çmontimin e trafikut të drogës midis Italisë dhe Spanjës. D’Onofrio dha dorëheqjen si kreu i AIA, (Shoqata Italiane e Gjyqtarëve) menjëherë pas operacionit.
“Ai ishte shumë i zgjuar … Ai e dinte se çfarë po bënte”, tha për D’Onofrio, një ish-oficer i ushtrisë, Daniele Giannetto, një nga drejtuesit e organizatës kriminale në të cilën D’Onofrio bënte pjesë.
Nga hetimet është zbuluar se D’Onofrio, i cili u largua nga detyra disa orë pas operacionit, ishte përgjegjës për organizimin e pjesës logjistike për importin e drogës, ku pjesë e punës së tij ishte dhe gjetja e vendeve të sigurta për trafikantët ku të mund të ngarkoheshin paletat me drogë.
Ndaj D’Onofrio, i cili akuzohej për veprën penale të komplotit, sipas gjykatës “duhet zbatuar masa e arrestit me burg, duke marrë parasysh vullnetin e tij të pakushtëzuar për të kryer “shërbime” të përditshme të dërgesave ose grumbullimit të parave dhe rrezikshmërisë sociale “për shkak të” sjelljeve të pafalshme të mbajtura edhe gjatë kohës së mbylljeve ku me uniformën ushtarake qarkullonte përmes Lombardisë për të shpërndarë drogë ose për të shkuar në Milano për të paguar paratë tek qytetarët kinezë për t’i transferuar më pas në Spanjë”./Opinion.al
