Lëvizja 5 Yjet ka paralajmëruar të premten se përpjekjet për të krijuar koalicion me Partinë Demokratike të qendrës së majtë, ende ka mundësi të dështojnë.
Drejtuesi i partisë , Luigi Di Maio the se “ne ose do të arrijmë marrëveshje që bazohet në pikat e programit tonë, ose do të ndalemi këtu”. Ai shtoi gjithashtu se nëse Partia Demokratike nuk pajtohet me kërkesat kryesore të Lëvizjes atëherë “do të jetë më mirë që të kthehemi te kutitë e votimit sa më shpejt që është e mundur”.
Deklaratat e Di Maios kanë ardhur pasi disa konsultimeve me kryeministrin Giuseppe Conte të cilit i është kërkuar të formojë qeverinë e re.
“Ne nuk jemi duke shikuar për një qeveri sa për të thënë, ne konsiderojmë se disa prej pikave tona të programit janë të domosdoshme”, tha Di Maio në të tjera pas takimit.
Nga kampi i Partisë Demokratike reagoi Graziano Delrio i cili theksoi se partia “është e përkushtuar që me besnikëri të mbështesë përpjekjet e kryeministrit Conte. Këto përpjekje kanë kthyer besimin në Itali”.
“Ultimatumet e Di Maios ndaj kryeministrit janë plotësisht të papranueshme”, shtoi ai.
Zgjedhjet e parakohshme do të ishin mundësia më e mirë për Matteo Salvinin për tu rikthyer në qeveri. Kreu i Lega Nord pasi nuk është më pjesë e koalicionit qeverisës ka bërë thirrje për zgjedhje. Sondazhet tregojnë se ai ka përkrahje për shkak të qasjes së tij kundër migrimit ilegal. /Opinion.al
