Bota

Itali/Në kërkim të një kryeministri, “5 Yjet” dhe PD pranë një konsensusi


               Publikuar në : 13:17 - 25/08/19 |
Al Do

Vijojnë përpjekjet mes “Lëvizjes 5 Yjet” dhe demokratëve në Itali për të gjetur pikat e përbashkëta për nëj koalicion qeverisës. Pas dorëheqjes së kryeministrit Giuseppe Conte vendi ka hyrë në një krizë politike për të cilën presidenti Mattarella ka dhënë kohë për tu zgjidhur deri ditën e martë.

Conte tha të shtunën se aleanca e re që do të krijohet për ngritjen e qeverisë do ti mbyllë derën përfundimisht partisë “Lega Nord” të Salvinit. Por gjetja e një emri për kryeministër mbetet pika më  e debatuar.

“Lëvizja 5 Yjet” mbështet rikthimin e Contes në krye të qeverisë por demokratët kërkojnë një shkëputje nga ajo që ata e cilësojnë “e kaluara”. Një emër i ri po diskutohet së fundmi si një pikë konsensusi mes palëve. Bëhet fjalë për kryetarin e dhomës së ulët të parlamentit italian Roberto Fiso. Ai është përfaqësues i “5 Yjeve” por duket se ka edhe miratimin e demokratëve.

Nga ana tjetër Salvini kërkon të shmangë daljen në opozitë dhe rikthimin e demokratëve në pushtet. Ai po përpiqet të mbajë gjallë koalicionin me “5 Yjet” duke i dhënë të drejtën e propozimit për kreun e qeverisë.

Një emër tjetër që kundërshton koalicionin mes 5 Yjeve dhe Partisë Demokratike është ish-kryeministri  Silvio Berlusconi. Ai është shprehur se afrimi i dy partive me qasje të kundërta dhe rivale është një ide e falimentuar e së majtës e cila sikurse më parë nuk i ka sjëllë asgjë të mirë Italisë.

Presidenti Mattarella u ka dhënë kohë partive deri të martën për të dalë me një emër konkret, në të kundërt vendi do të shkojë në zgjedhjet e dyta të përgjithshme brenda 1 viti e gjysmë. /Opinion.al

Pas