Një ngjarje e rëndë është regjistruar pasditen e së mërkurës në Sassuolo të Italisë, ku një 38-vjeçar me origjinë tuniziane, Nabil Dhahri vrau me gruan, dy fëmijët e mitur, vjehrrën dhe më pas veten.
Sipas agjencisë së lajmeve Ansa, kur shkuan në vendngjarje, efektivët e policisë u gjendën përballë një skene të tmerrshme: pesë kufoma. Mes tyre edhe dy fëmijë shumë të vegjël, dy dhe pesë vjeç.
Një familje e tërë u shfaros pa kuptuar një arsye që ndoshta nuk do të mësohet kurrë. Nabil Dhahri, autori i dyshuar i ngjarjes, pasi vrau ish-bashkëjetuesen, Elisa Mulas, dy fëmijët, i morri jetën dhe vjehrrës së tij.
Nga ana tjetër, masakrës i ka shpëtuar një vajzë tjetër, disa vite më e madhe, e lindur nga një lidhje e mëparshme e viktimës, e cila ka qenë në shkollë.
Mediat italiane raportojnë se deri në orët e vona të mbrëmjes, policia mjeko-ligjore ishte ende brenda shtëpisë në rrugën Manin, në një zonë banimi jo shumë larg qendrës historike të qytetit, ku ndodhi masakra, duke kërkuar gjurmë dhe gjurmë për të dhënë përgjigjet për ngjarjet.
Sipas rezultateve të para të hetimeve, Elisa ishte transferuar në shtëpinë e nënës së saj prej rreth një muaji me fëmijët pasi donte t’i jepte fund lidhjes me autorin. Një shtëpi që 38-vjeçari, megjithatë, e frekuentonte për të parë fëmijët. Sipas mediave italiane, ai nuk e kishte pranuar asnjëherë ndarjen./Opinion.al
