6 futbollistë të dënuar nga Etika për ndeshjen mes Tërbunit dhe Bylisit, për komplotim dhe influencim në rezultatin e ndeshjes Tërbuni Bylis e datës 18 nëntor 2015, e përfunduar me rezultatin 4-2. Ky ishte vendimi i Komisionit të Etikës, pas 4 mbledhjeve dhe më shumë se 3 javë shqyrtim të dokumentacioneve dhe marrjes në pyetje të personazheve të përfshira në atë ndeshje. Futbollistët e Tërbunit, Vilson Lila dhe Klodian Sulollari u dënuan secili me 6 muaj pezullim nga aktiviteti ndërsa në radhët e Bylisit, të ndëshkuarit ishin Kushtrim Mushica, Elton Basriu, Mariglen Shosha dhe Ahmet Haliti, dhe ata të dënuar me 6 muaj pezullim bazuar në nenin 68/1 të Komisionit të Drejtësisë Sportive. Ndërkohë shpëtuan pa ndëshkime dy klubet dhe drejtuesit e tyre duke lënë të nënkuptohet se sipas Etikës futbollistët kanë qenë ata që kanë influencuar në rezultat pa dijenë e klubeve. Në sezonin e kaluar Komisioni i Etikës ka marrë të njëjtat masa për lojtarët Arjan Pisha dhe Ilion Lika duke lënë të pandëshkuara klubet, me lojtarët që vazhdojnë të bëhen gjithnjë e më shpesh “kurban” në të tilla situata.
Më Poshtë vendimi i plotë i Komisionit të Etikës pas përfundimit të mbledhjes në FSHF.
1.Lojtaret e KF “Terbuni”, Vilson Lila dhe Klodian Sulollari, per komplotim ne influencimin te rezultatit te ndeshjes KF “Terbuni “- KF “Bylis” te dates 18.11.2015, ne kundershtim me etiken sportive, denohet secili me 6 (gjashte) muaj pezullim nga aktiviteti, bazuar ne nenin 68/1 te KDS.
2.Lojtaret e KF “Bylis”, Kushtrim Mushica, Elton Basriu, Mariglen Shosha dhe Ahmet Haliti, per komplotim ne influencimin te rezultatit te ndeshjes KF “Terbuni “- KF “Bylis” te dates 18.11.2015, ne kundershtim me etiken sportive, denohet secili me 6 (gjashte) muaj pezullim nga aktiviteti,bazuar ne nenin 68/1 te KDS.
