Një nënë 37-vjeçare dhe vajza e saj dyvjeçare ndërruan jetë të shtunën nga lëndimet e marra kur një shtetas afgan goditi me makinë një turmë në Munih të enjten. Policia gjermane njoftoi të shtunën për viktimat e para nga incidenti.
Hetuesit gjermanë njoftuan të premten se të paktën 39 individë u plagosën, me disa prej tyre në gjendje kritike, kur një makinë përplasi turmën e aktivistëve të një sindikate që protestonin për paga më të larta.
Autoritetet thanë se incidenti po trajtohej si një sulm me motive fetare.
Sulmi ka sjellë çështjet e sigurisë në qendër të fushatës politike ndërsa Gjermania mban zgjedhjet federale më 23 shkurt. Sulmi ndodhi disa orë përpara mbërritjes së udhëheqësve ndërkombëtar në qytetin jugor gjerman për Konferencën vjetore të Sigurisë në Munih./voa
