Aktualitet

Iliri: Do të firmosësh për 45 milionë lekë, Lavdoshi: Harroji lekët


Bëhu pjesë e Grupit Zyrtar të Opinion.al
>> KËTU <<
               Publikuar në : 18:48 - 24/10/21 |
Opi Nion

Rasti i ditës së “Shihemi në Gjyq”, rubrikë e “E Diela Shqiptare” në Tv Klan, qëndron midis një mosmarrëveshjeje pronësie midis Ilirit dhe Lavdoshit për një garazh që Iliri i ka shitur. Por, problemi qëndron shumë më thellë se sa një kontratë mes dy njerëzve.

Janë dy pronarë trualli, Vasil Konomi dhe Hodo Memo të cilët kanë pasur një tokë në Fier dhe janë lidhur me një firmë. Më pas, kanë bërë një kontratë me “AFE Konstruksion”, ku kanë rënë dakord që porositëset do të fitojnë 25%. Agron Mehmetaj, administratori i firmës, lidh një kontratë me një tjetër kompani, “AE Konstruksion” me Eqerem Mehmetaj, vëllain e tij dhe kjo lojë vazhdon nga Agroni te Eqeremi me Agron Seitajn.

Këto firma kanë marrë para ndaj një qytetari që është Fation Muskaj, i cili i ka dhënë 150 mijë euro Eqeremit si hua, por që nuk i mori. Firma falimentoi dhe Fation Muskaj, merr Eqeremin në noteri dhe i merr një firmë për të vazhduar ndërtimin e pallatit, i cili kishte mbetur i papërfunduar. Në prani të dy pronarëve të truallit, kanë bërë një kontratë në bazë të së cilës rezulton se objekti është përfunduar nga Fation Muskaj, Hodo Memo dhe Vasil Konomi. Por, zoti Muskaj nuk ka marrë në konsideratë kontratat paraprake, ndaj Lavdoshi dhe Iliri sot ndodhen në këtë situatë.

Eni Çobani: Unë dua të kuptoj marrëdhënien e Lavdoshit me Eqerem Mehmetajn dhe tani del Fationi, si del Fationi në kë të histori?

Lavdosh: Marrëdhënia ime me Eqeremin?

Eni Çobani: Po, me Eqeremin dhe doli edhe Fationi.

Lavdosh: Atëherë, Fationi dha lekët dhe kur firma iku, unë me Fationin ka ardhur te Eqerem Mehmetaj në Tiranë dhe Fationi bëri një kontratë me të.

Eni Çobani: Unë e kam këtu.

Lavdosh: Po, dhe në atë kontratë Fationi i pranoi të gjitha kushtet që i dha Eqerem Mehmetaj.

Ilir: Mua nuk më duhet çfarë ke bërë me Eqeremin e Fationin, nuk njoh as Eqerem, as Fation, me mua firma është në rregull, unë dua lekët nga ti.

Lavdosh: Nga mua mos lyp fare.

Ilir: Për respekt të publikut sqarohu si njeri, por përpara se të ikim nga këtu do të firmosësh për 45 milionë lekë.

Lavdosh: Ilir, harroji lekët.

Eni Çobani: Edhe kjo nuk është përgjigje normale se ju e keni marrë atë objekt, pavarësisht se nuk e shfrytëzon atë objekt.

Lavdosh:  Po unë s’kam objekt.

Eni Çobani: Po objektin e ke marrë me letra, të themi. E ke me letra, e ke bërë kontratën?

Lavdosh: Po unë nuk shkoj dot te objekti, unë kalova atje, ata më çuan në gjyq./ Tv Klan

Pas