Inspektorati Kombëtar i Mbrojtjes së Territorit ka njoftuar se në Thumanë është në përfundim procesi i shembjes së godinave të pabanueshme pas tërmetit ndërsa në Durrës po bëhet procesi i vlerësimit.
“IKMT prish katër pallate ne Thumane, ne proces vlerësimi edhe ne Durrës. Inspektorati Kombëtar i Mbrojtjes se Territorit pas vlerësimit si te pabanueshëm për shkak te dëmtimeve nga tërmeti i 26 Nëntorit, ka prishur 2 pallate pese katesh ne Thumane, ndërkohe qe është duke u prishur një i trete dhe pas tij do te prishet edhe një tjetër. Po ashtu grupet e ekspertimit janë duke bere vlerësimet ne terren ne ketë zone, rast pas rasti dhe ne momentin e vlerësimit si te pabanueshëm, atëherë IKMT prish objektin.
Një tjetër grup ekspertesh, është duke bere ekspertizën ne Durrës ne objektet ku paraqitet rrezikshmëri me e larte dhe pastaj me radhë sipas te dhënave paraprake. Deri tani nuk mund te flitet për një shifër te sakte objektesh qe duhet te prishen, por numri është i konsiderueshëm”, njofton IKMT.
Në mbledhjen e Këshillit të Ministrave ditën e sotme, Kryeministri Rama tha se në Durrës janë 701 banesa të dëmtuara, 12 të shkatërruara totalisht dhe 176 pallate të dëmtuara ndërsa në Tiranë, janë 15 të banesa shkatërruara, 239 banesa të dëmtuara, 8 pallate jashtë funksionit, 61 pallate të dëmtuar rëndë.
Ndërtimi i të gjithë banesave të bëra të pabanueshme nga tërmeti do të bëhet nga e para dhe për këtë është ngritur Komiteti kombëtar për ndërtimin. /Opinion.al
