Një 31-vjeçar, i shpallur në kërkim pasi iu gjetën në banesë, drogë dhe armë, është vënë në pranga nga policia.
Mbështetur në inteligjencën informative, mbi vendndodhjen e një shtetasi të kërkuar, oficerërt e policisë kanë organizuar punën dhe kanë lokalizuar e kapur Kristian Lacukun, 31 vjeç, banues në fshatin Berdicë, Shkodër.
Gjykata e Apelit Shkodër, me vendimin e datës 04.02.2022, e ka dënuar 31-vjeçarin, me 4 vjet e 8 muaj burgim, për veprat penale “Prodhimi dhe shitja e narkotikëve”, kryer në bashkëpunim dhe “Mbajtja pa leje e armëve, armëve shpërthyese dhe e municionit”.
Në kuadër të operacionit “New start”, të zhvilluar në vitin 2016, në banesat e shtetasve Kristian Lacuku dhe F. T. (ende në kërkim nga shërbimet e Policisë), u gjetën dhe u sekuestruan rreth 12 kg lëndë narkotike kanabis, një armë zjarri dhe municion luftarak.
Materialet i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
