Një aksident është regjistruar pasditen e kësaj të diele në aksin rrugor Shkodër-Mes, në vendin e quajtur “Hot i Ri”, ku një 18-vjeçar ka humbur kontrollin e motoçikletës me të cilën lëvizte dhe është përplasur me një shtyllë.
Për pasojë ai është transportuar me urgjencë në spitalin Rajonal ku merr kujdesin e nevojshëm mjekësor.
“Rreth orës 18:30, në aksin rrugor Shkodër – Mes, në vendin e quajtur “Hot i Ri”, shtetasi B. R. 18 vjeç, banues në fshatin Ura Shtrejt, Shkodër, duke drejtuar një motoçikletë, ka humbur kontrollin e drejtimit të motoçikltës, dhe për pasojë motoçikleta është përplasur me një shtyllë. Si pasojë e përplasjes është dëmtuar drejtuesi i motoçikletës i cili ndodhet në Spitalin Rajonal Shkodër nën kujdesin e mjekëve. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”,-njofton policia./Opinion.al
