Aktualitet

“I narcos Albanese”/ Nga Tirana në Ekuador, trafikantët shqiptarë në dokumentarin italian



Bëhu pjesë e Grupit Zyrtar të Opinion.al
>> KËTU <<
               Publikuar në : 14:20 - 26/09/22 |
el ida

“I Narcos Albanese”, Mafia Connection . Me këtë titull një dokumentar i publikuar dy ditë më parë nga rrjeti Discovery Plus, i dedikon një hapësirë të gjerë grupeve kriminale shqiptare dhe rrjetit të tyre të drogës, të shtrirë tashmë përtej kontinetit.

Duke nisur nga plantacionet e kultivimit të hashashit në vend, tek rrugët e trafikut klandestin përmes detit e deri tek dominanca e porteve Europiane për drogën e sjellë nga Ekuadori për t’u shpërndarë më pas në të gjithë kontinentin.

“Një kod nderi që i ka lejuar të rekrutojnë një sërë bashkëkombësish në të gjithë botën”, shprehet gazetari.

Ne foto: Gazetari Nello Trocchia

Guajakili, një tjetër port influencash ku shqiptarët duket se po kthehen në dominantë, ndërsa cilësohen si njerëz që të vrasin pa shumë hezitim. Historia e Dritan Rexhepit dhe saga e vrasjeve të lidhura me influencësn e zonave të trafikut të kokainës janë prekur gjithashtu në këtë material më shumë se 1 orë.

 

Gazetari Nello Trocchia synon të sjellë një shikim 360 gradë të gjithë situatës me narkotrafikun e drejtuar nga shqiptarët, ndërsa ka patur mundësinë të takojë në Tiranë edhe ish-ministrin Tahiri, pak ditë para arrestimit të tij.

“Kur unë e mora detyrën marijuana kultivohej kudo dhe asnjë polic nuk mund të hynte.  Nëse do isha i korruptuar nuk do kisha ardhur në Itali t’i kërkoja Guardia di Finanzës të kontrollonte dhe monitoronte terrenin dhe të vendoste kamera në 24 orë. Kam kërkuar ndihmë me mjete në të gjitha vendet e Europës”, shprehet Tahiri ndër të tjera në intervistë.

Ish-Ministri pranon përgjegjësinë morale sa i takon makinës së tij të shitur tek Habilajt, ndërsa pohon se marijuana në Shqipëri, nuk është çështje krimi, por varfërie.

“Marijuana nuk është çështje krimi, por çështje varfërie. Problemi nuk është kush e kultivon, por kush e mbledh dhe e çon në Itali”, thotë ndër të tjera Tahiri.

Pjesë e dokumentarit janë prokurorë, zyrtarë policie, dhe ekspertë të kriminalistikës në Shqipëri, Itali dhe Ekuador.

Gjithashtu një bashkëpunëtor i trafikut rrëfen historinë e tij dhe çfarë do të thotë sipas tij të kesh të bësh me shqiptarët.

Të shtyrë nga  varfëria, është ky refereni që dëgjohet shpesh në dokumentar nga zëri i gazetarit, ndërsa kamerat shkojnë në banesën e Atilio Ndrecës, 23 vjeçari i vrarë në Itali në korrik të vitit 2021 vetëm pak kohë pasi kishte hyrë në rrugën e trafikut të drogës. Mes lotësh, ndërsa mban në duar rrobat e të birit nëna kërkon drejtësi nga autoritetet italiane./Opinion.al

Pas