Trajneri i Kukësit, Skënder Gega është nisur me urgjencë drejt Turqisë për të trajtuar COVID-19.
Prej disa ditësh Gega kishte rezultuar pozitiv dhe ishte në pritje të përmirësimit të gjendjes së tij.
Pavarësisht se kishte simptoma të theksuara, Gega vendosi që të kurohej në shtëpi por gjendja e tij është përkeqësuar duke bërë që mëngjesin e sotëm të udhëtojë drejtë Turqisë për një trajtim më të specializuar për mushkëritë
Një reagim në lidhje me gjendjen e trajnerit ka patur edhe klubi i futbollit të Kukësit në një postim në rrjetet sociale.
“Futboll Klub Kukësi njofton se trajneri Skënder Gega ka udhëtuar mëngjesin e sotëm drejt Turqisë. Gjendja shëndetësore e trajnerit u rëndua ditët e fundit dhe për një trajtim më të specializuar për mushkëritë, ka udhëtuar drejt Stambollit. Klubi i uron trajnerit shërim të shpejtë dhe rikthim sa më të shpejtë në krye të skuadrës.”, thuhet në njoftimin e klubit. /Opinion.al
