Aktualitet

I hapet dera vaksinës ruse dhe kineze, Manastirliu dhe Ahmetaj negociatorë


Bëhu pjesë e Grupit Zyrtar të Opinion.al
>> KËTU <<
               Publikuar në : 13:38 - 11/03/21 |
Opi Nion

Qeveria i ka hapur rrugë negociatave me shtetet që prodhojnë vaksinat anti-covid. Këshilli i Ministrave ka vendosur në një Akt Normativ,  autorizimin e ministrit të Shtetit për Rindërtim, Arben Ahmetaj dhe ministrisë së Shëndetësisë, zhvillimin e negociatave për gjetjen e vaksinave anti-COVID, pa përjashtuar askënd.

Kështu, qeveria shqiptare i hap rrugë negocimit të Shqipërisë me kompani të tjera për të siguruar vaksinën anti-COVID edhe nga shtetet që janë jashtë BE-së, si Rusia dhe Kina të cilat prodhojnë vaksina anti-COVID.

Akt Normativ për: Dhënien e autorizimit ministrit të shëndetësisë dhe mbrojtjes sociale dhe ministrit të shtetit për rindërtimin për zhvillimin e negociatave me prodhuesit, me distributorë të autorizuar, me qeveritë ose institucionet e autorizuara prej tyre, të vendeve që prodhojnë ose distribuojnë vaksina anticovid, për të siguruar këto vaksina, të cilat janë të certifikuara nga trupa certifikuese në vendin e prodhimit të tyre

Në mbështetje të nenit 101 të Kushtetutës, me propozimin e ministrit të Shëndetësisë dhe Mbrojtjes Sociale dhe të ministrit të Shtetit për Rindërtimin, Këshilli i Ministrave

V E N D O S I:

Neni 1/ Dhënie autorizimi për zhvillimin e negociatave

Dhënien e autorizimit ministrit të Shëndetësisë dhe Mbrojtjes Sociale dhe ministrit të Shtetit për Rindërtimin për zhvillimin e negociatave me prodhuesit, me distributorë të autorizuar, me qeveritë ose institucionet e autorizuara prej tyre, të vendeve që prodhojnë ose distribuojnë vaksina anticovid, për të siguruar këto vaksina, të cilat janë të certifikuara nga trupa certifikuese në vendin e prodhimit të tyre.

Neni 2/ Hyrja në fuqi/ Ky akt normativ hyn në fuqi menjëherë dhe botohet në “Fletoren zyrtare”.

Pas