Kronikë

I dënuar për trafik droge, Sokol Markut i sekuestrohen 5 mln € pasuri


Bëhu pjesë e Grupit Zyrtar të Opinion.al
>> KËTU <<
               Publikuar në : 20:28 - 20/01/21 |
Doriana Çepunaj

Prokuroria e Tiranës ka sekuestruar 5 milionë euro pasuri që i përkasin Sokol Markut nga Mirdita, i dënuar për trafik droge.

Ndër pronat që janë vënë nën sekuestro janë 18 automjete, 2 lokale, 10 pasuri të paluajtshme si njësi tregtare vila apo apartamente.

Sipas News 24 bëhet fjalë për një skemë pastrimi parash, nga Sokol Marku dhe vëllai binjak, të cilët kanë qenë nën hetim edhe në Spanjë për trafik droge, ndërsa dyshohet se jepnin para me fajde.

Sokol Marku rezulton të jetë i dënuar më parë në Shqipëri. Në vitin 2013, Sokol Marku është vënë në pranga në Shqipëri teksa kthehej nga Italia.

Gjykata e Tiranës  e dënoi me 5 vite burg për “Prodhim dhe shitje të lëndëve narkotikëve”, pasi Marku është kapur në 2012 me një sasi të konsiderueshme kokaine.

Por, rezulton se Marku është liruar më herët nga gjykata duke i ndryshuar masën e sigurisë nga “arrest me burg” në “detyrim paraqitje”./Opinion.al

Pas