Kronikë

I dënuar për 3 vepra penale në Itali, kapet në Kurbin 43-vjeçari


               Publikuar në : 17:33 - 21/10/19 |
Al Do

Një person i shpallur në kërkim në Itali është kapur nga policia në Kurbin.

Bëhet fjalë për Fred Gjonaj, 43 vjeç, banues në Kurbin. Ai është i dënuar në Prill 2005 nga Gjykata në  Forli / Itali me 11 vite e 3 muaj burg.

Ndaj tij rëndojnë akuzat e organizatës kriminale, vjedhjes me armë dhe plagosjes.

Tashmë pritet që Gjonaj të ekstradohet në Itali për të kryer dënimin e tij

Njoftimi i Policisë

Vijon puna për kapjen e personave të shpallur në kërkim ndërkombëtar.

Arrestohet një tjetër shtetas shqiptar me qëllim ekstradimi drejt Italisë.

Shërbimet policore të Komisariatit Kurbin, pas informacioneve të marra në rrugë operative  dhe një pune të mirë organizuar, në bashkëpunim me Interpol Tirana ,arrestuan me qëllim ekstradimi drejt Italisë shtetasin shqiptar të shpallur në kërkim ndërkombëtar:

  • Fred Gjonaj, 43 vjeç, banues në Kurbin

Ky shtetas ishte i shpallur në kërkim ndërkombëtar nga autoritetet italiane, pasi Gjykata në  Forli / Itali, në Prill 2005, e ka dënuar me 11 vite e 3 muaj burgim , për veprat penale”Organizatë kriminale”, “Vjedhje me armë” dhe “Plagosje” parashikuar nga Kodi Penal Italian.

Materialet hetimore i kaluan Prokurorisë Pranë Gjykatës së Shkallës së Parë Kurbin për veprime të mëtejshme. /Opinion.al

Pas