Këngëtarja shqiptare me famë ndërkombëtare, Dua Lipa së fundmi, ka qenë e ftuar në Jimmy Kimmel Live.
Në rrjet po qarkullon një moment shumë interesant mes këngëtares shqiptare dhe moderatorit Jimmy Kimmel, i cili ka folur shqip.
Jimmy Kimmel ka lexuar disa shprehje frazeologjike në shqip dhe i ka kërkuar Dua që t’i shpjegojë kuptimin e tyre.
Shprehjet si “I ka bërë rrush e kumbulla”, “Sa për sy e faqe”, “E ka një dërrasë mangët” dhe “Hip se të vrava, zbrit se të vrava”, u lexuan nga Jimmy të cilat shkaktuan të qeshura tek publiku pas çdo përpjekjeje.
Ylli i popit e kaloi me sukses këtë sfidë, duke treguar se është një njohëse shumë e mirë e gjuhës shqipe, ndonëse ka emigruar nga Kosova që kur ishte e vogël ajo vazhdon ende të respektojë dhe shpërndajë kulturat dhe traditat shqiptare. /Opinion.al
