Pas disfatës së sotme në stadiumin “Redi Maloku” , Kukësi ka shkarkuar trajnerin, Ramazan Ndreu.
Skuadra bëri me dije vendimin përmes një statusi në faqen e tyre zyrtare në rrjetin social Facebook, ku ndër të tjera shkruan se Ndreu nuk menaxhoi si duhet lojën dhe ishte inaktiv në pankinë, ndërsa shton se trajneri ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë.
Pas kësaj humbje ndaj Kastriotit, skuadra e KukësiT i ka thënë “lamtumirë” objektivit të titullit kampion.
Statusi i plotë:
Njoftim i Klubit!
FK Kukësi njofton se, pas humbjes sot në Fushë Krujë me rezultatin 2 – 1 me KS Kastriotin, shkarkohet trajneri Ramazan Ndreu . Ndreu nuk menaxhoi si duhet lojen dhe ishte shumë inaktiv në pankinë. Trajneri ka patur mbështetje maksimale nga klubi dhe Presidenti, por humbja e sotme e ngarkon me përgjegjësi të plotë. Në vijim do kemi komunikime të tjera me publikun./Opinion.al
