Humbja me Serbinë në “Elbasan Arena”, i ka kushtuar Kombëtares së Shqipërisë, zbritjen me katër vende në renditjen mujore të përgjithshme të FIFA-s. Në muajin tetor Kombëtarja e Shqipërisë renditej në vendin e 32-të të klasifikimit, ndërsa në muajin nëntor në vendin e 36-të me 723 pikë. Në rënditjen e fundit nuk ka ndihmuar as fitorja me Armeninë dhe kualifikimi historik në Europianin Francë 2016. Aktualisht lista e FIFA-s kryesohet nga Belgjia me 1440 pikë, Gjermania në vendin e dytë dhe Argjentina në të tretin me 1383.
