Partia Demokratike ka reaguar pas takimit që kryeministri Edi Rama zhvilloi me kandidatët për deputetë të Partisë Socialiste.
Nëpërmjet një njoftimi për mediat PD e konsideron për të disjtën herë Edi Ramën si autor të masakrës elektorale, teksa citon gjithashtu se “vjedhja e zgjedhjeve nga Rama-Doshi-Rakipi e çuan vendin tonë drejt një masakre masive, ku viktimat janë qytetarët shqiptarë dhe e ardhmja e tyre”.
Sipas deklaratës Partia Demokratike shkruan se asgjë nuk do ti ndal në betejën që kanë nisur teksa paralajmërojnë se kanë prova dhe fakte të reja të cilat dëshmojnë vjedhjen e zgjedhjeve.
“Edi Rama është autori i masakrës elektorale dhe tjetërsimit të vullnetit të shqiptarëve për ndryshim. Me qëllim që të largojë vëmendjen ai vazhdon gënjeshtrat, manipulimet dhe diversionet. Vjedhja e zgjedhjeve nga Rama-Doshi-Rakipi e çuan vendin tonë drejt një masakre masive elektorale, ku viktimat janë qytetarët shqiptarë dhe e ardhmja e tyre. Detyra jonë ndaj shqiptarëve është të qëndrojmë të vendosur dhe të luftojmë fort për kthimin e demokracisë në vend. Asnjë diversion nuk do të na ndalë në këtë betejë, duke filluar me shpalosjen e fakteve, provave dhe të dhënave që dëshmojnë pëmasën e plotë të masakrës zgjedhore nga regjimi Rama-Doshi-Rakipi.”- njofton PD.
Ndërkohë, kujtojmë se gjatë konferencës së sotme kryeministri Rama është shprehur se nga votat e pavlefshme kanë humbur 4 mandate./Opinion.al
