Gazetari Artan Hoxha ka folur në lidhje me raportimin e SPAK për dy vrasje të bujshme të zbardhura pas 15 vitesh. Hoxha është shprehur se publikimi i këtij raporti pikërisht kur një efektiv polici ekzekutoi një 25-vjeçar në Tiranë është një rastësi që ngreh dyshime.
Gazetari është ka thënë për “Abc News” se deri më tani është kapur Indrit Taullai dhe Viktor Ymeri, ndërsa Plarent Dervishaj është larguar nga Shqipëria pas atentatit të vitit të kaluar dhe nuk ka hyrë më sipas sistemit TIMS.
“Hetimi ka nisur në Tetor, masat janë marrë në 2 Dhjetor, në datë 6 është kapur Taullai, në datë 8 është arrestuar Viktor Ymeri. Ne kemi dy personazh që ndodhen në grup, dy që janë kapur, Plarent Dervishaj të larguar nga Shqipëria pas atentatit të vitit të kaluar dhe nuk ka hyrë më sipas sistemit TIMS. Lulzim Berisha është në kërkim ndërkombëtar. Ai është jashtë territorit. Ai tashmë do të vendosë ose të dorëzohet ose të rrijë i fshehur. Në vitin 2006 ai është kapur nga policia maqedonase. Gjëja që më kërciti pak janë datat. Pse u la pasditen e datës 8 komunikimi i kësaj ngjarje ndërkohë që po merreshim me një ngjarje tjetër. Koicidenca më la të dyshoj se mund të jetë një operacion PR. Nuk besoj që SPAK të ketë varësi direkte nga Policia”, tha Artan Hoxha./ Opinion.al
