Raportohen dhjetëra të plagosur dhe një viktimë nga aksidenti i ndodhur në Hagë, ku një tren është përplasur me një vinç mirëmbajtjeje në linjën hekurudhore.
Një tren në Holandë me të paktën 50 pasagjerë, është përplas me një vinç mirëmbajtjeje gjatë kohës që ishte duke ecur, duke lënë të vdekur operatorin e vinçit dhe duke plagosur dhjetëra pasagjerë.
Sipas zyrtarëve aksidenti në Hagë ndodhi rreth orës 3:25 të mëngjesit, ku sipas zyrtarëve vinçi ndodhej aty për shkak të mirëmbajtjes së shinave, të cilat funksiononin vetëm në rast trafiku.
“Vinçi ishte pjesë e punës së mirëmbajtjes në dy shinat e mbyllura, ndërsa dy të tjera nga gjithsej katër binarë mbetën të hapura për trafikun e trenave,” tha njëri nga drejtuesit e hekurudhave.
Disa nga të plagosurit janë trajtuar në vend dhe 19 të tjerë janë dërguar menjëherë në spital.
Shoferi i trenit të pasagjerëve ndodhet në spital me fraktura të kockave, tha në konferencën për shtyp Wouter Koolmees, shefi ekzekutiv i hekurudhave holandeze.
Mark Rutte, kryeministri dhe familja mbretërore e Holandës ishin pranë të afërmve për të shprehur ngushëllimët e tyre për viktimat.
Bëhet me dije se shërbimet e trenave do të pezullohen për disa ditë midis Hagës dhe Leiden, një nga rrugët më të ngarkuara në Holandë, tha ProRail./Opinion.al
