Kronikë

Hodhën kanabisin dhe përplasën makinën e policisë, pranga dy të rinjve


Bëhu pjesë e Grupit Zyrtar të Opinion.al
>> KËTU <<
               Publikuar në : 09:59 - 30/03/21 |
Opi Nion

Policia e Beratit ka arrestuar dy persona dhe një tjetër e kanë shpallur në kërkim, pasi nuk i janë bindur urdhrit të efektivëve për të ndaluar.

Më pas ata kanë goditur me automjet, makinën e uniformave blu dhe janë tentuar të largohen.  Në pranga janë vënë Elsjon Muzyri dhe Xhuljano Mollaj të cilët në momentin e ndjekjes,a kanë pasur në makinë rreth 340 gram kanabis.

Gjatë ndjekjes policia ka konstatuar se ata kanë hedhur nga automjeti i tyre sasinë e lëndës narkotike, e cila u sekuestrua në cilësinë e provës materiale. Materialet i kaluan Prokurorisë së Rrethit Gjyqësor Berat, për veprime të mëtejshme procedurale.

“Goditet një rast i veprimtarisë kriminale në fushën e narkotikëve.  Arrestohen dy shtetas, shpallet në kërkim një tjetër. Nga specialistët e Seksionit për Hetimin e Narkotikëve u bë arrestimi në flagrancë i shtetasve: E. M., 21 vjeç dhe X. M., 27 vjeç, të dy banues në lagjen Uznovë, Berat, si dhe u shpall në kërkim shtetasi E. L.

Pas informacioneve të marra nga Policia se këta shtetas posedonin lëndë narkotike në mjetin e tyre, nga ana e Policisë, në aksin rrugor Poliçan-Berat, në vendin e quajtur “Qafa e mullirit” u organizua puna për ndalimin e tyre. Shtetasit e lartpërmendur nuk i janë bindur urdhrit të punonjësve të Policisë për të ndaluar, i kanë kundërshtuar ata duke goditur me mjetin e tyre mjetin e Policisë dhe më pas janë larguar nga vendngjarja. 

Menjëherë shërbimet e Policisë u vunë në ndjekje për kapjen dhe ndalimin e tyre. Gjatë ndjekjes konstatuan se këta shtetas kanë hedhur nga mjeti i tyre një sasi lënde narkotike cannabis sativa, e cila u sekuestrua në cilësinë e provës materiale. Materialet i kaluan Prokurorisë së Rrethit Gjyqësor Berat, për veprime të mëtejshme procedurale”, njofton policia./ Opinion.al

 

Pas