Opinion.al
Nuk ka rezultat
View All Result
KONTAKT
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë
Opinion.al
Nuk ka rezultat
View All Result

Historia e 60-vjeçarit që humbi jetën në sulmet e 11 shtatorit në SHBA

2021/09/11 at 7:16 PM
në Bota, Te Fundit
Kohë leximi: 5 min
A A
Historia e 60-vjeçarit që humbi jetën në sulmet e 11 shtatorit në SHBA

Më 11 shtator 2001, bota pa me tmerr se si dy avionë, njëri në orën 8:46 të mëngjesit dhe tjetri në orën 9:03 goditën Kullat Binjake në Nju Jork, në sulmet terroriste që shkaktuan vdekjen e mbi 2, 600 vetëve. Rreth 3 mijë vetë humbën jetën gjithsej, me gjithë sulmin në Pentagon dhe rënien e avionit të rrëmbyer në Pensilvani.

20 vjet më pas të afërmit e dy prej shqiptaro-amerikanëve që humbën jetën duke punuar tek Kullat, ndajnë me Zërin e Amerikës dhimbjet dhe kujtimet e asaj dite. Kolegia Keida Kostreci ishte në Nju Jork dhe bisedoi me ta.

60-vjeçari Rrok Camaj vdiq në kullën jugore, ku kishte shkuar si çdo ditë në punë në “majë të botës” siç thoshte ai. Në një ditë me diell pothuajse 20 vjet më pas, djali i tij Vincent Camaj dhe gruaja Katrina Camaj, kujtojnë njeriun e tyre të shtrenjtë, në memorialin e 11 shtatorit në Nju Jork, ku emri i tij është vetëm njëri prej atyre që nuk u kthyen tek familjet e tyre atë ditë. Vincenti thotë se nuk i besohet që kanë kaluar 20 vjet.

“Duket sikur ishte dje. Është shumë e kthjellët në mendjet tona. Jam i sigurt se cilido që ka humbur dikë më 11 shtator, e ka të freskët në kujtesë se ku ishte dhe çfarë po bënte atë ditë”, thotë ai për Zërin e Amerikës.

Në orën 9:15, Rroku i telefonoi Katrinës nga kati i 105-të i Kullës ku ishte bllokuar me 200 vetë të tjerë.

“Më thirri ai vetë nga kati i 105-të. I thashë ku je? Në 105. Jo nuk mundet”.

“Të lutem tha, mos u bëj shumë me mërzi, mos i mërzit fëmijët, se kur të shohin ty, nuk e kalojnë dot. Por çfarëdo që të bëhet tha, jemi në dorë të Zotit, edhe na u këput linja, na u këput telefoni.”

“Babai im u nis për në punë herët në mëngjes dhe nuk u kthye më kurrë. Ai u mor nga ne në mënyrë tragjike. Jetët tona ndryshuan përgjithmonë”, thotë Vincenti.

Edhe jeta e Vitore dhe Marash Dedvukajt ndryshoi përgjithmonë kur humbën djalin e tyre Simonin, 26 vjeç, i cili punonte si mbikqyrës mirëmbajtjeje. Ai ishte në kullën veriore.

“Pas kaq vitesh, e njëjtja dhimbje është. Nuk kalon kurrë ajo dhimbje. Veç na dhimbset për ditë e më shumë, për ditë e më shumë e kujtojmë”, thotë nëna e Simonit.

Ajo dhe Marashi përshkruajnë ankthin dhe dhimbjen e asaj dite.

“U nisëm me ardhë, për të hyrë në Manhattan dhe na kanë ndaluar, as patëm mundësi të hyjmë në gjysmën e Manhattanit dhe këtej, se e kishim edhe djalin tjetër këtu, se kanë punuar afër me njëri-tjetrin. Edhe thirr njërin e thirr tjetrin në telefon, por as nuk binin telefonat nuk i merrte kush se nuk kishte kush me i marrë se të gjithë përpiqeshin të iknin se mendonin mos ndizej gjithë Nju Jorku”, thotë Marashi, babai i Simonit.

Dhimbja e pashlyeshme merr forma të ndryshme ndër vite.

“Për dhjetë vjet nuk kam hyrë në odën e tij, sepse nuk mund t’i shihja rrobat e tij e odën e tij, se më dukej gazep i madh. Atëherë kur hyna, u çmallova mirë një herë. Edhe sot i kam rrobat e tij. Nuk kam mundur t’i hedh. Se kur mendoj për të, unë mendoj çdo ditë, por kur dua të çmallem, shkoj, i marr dhe i shoh të gjitha si i ka pasur”.

Trishtimi shtohet, sepse trupat nuk janë gjetur. Marashi thotë se kishte ardhur me ditë të tëra tek vendi i tragjedisë mos gjente diçka por më kot.

“Për çdo ditë e natë jam ulur këtu, vetëm duke parë mos po gjejmë diçka, po ku të gjenim, ai është djegur”, thotë Marashi.

“E dhimbshme boll… Shumë, shumë vështirë e kemi kaluar deri tani, tani e prapa nuk e di… As kaq nuk e kemi nxjerrë…”

“As nuk arritëm ta varrosnim siç duhej. Ai është këtu diku pas nesh. Hiri i tij është përhapur në këtë vend. E gjithë bota vajtoi me ne në 11 shtator dhe çdo vit më pas, por gjëja më e vështirë deri sot është që nuk kemi arritur t’i themi lamtumirë”, thotë Vincenti.

“E njëjta gjë. Sot kur vdes dikush I them ‘ti ke diku me I çu një tufë lule, veç shkojmë aty e nuk shohim asgjë veç një emër.”

Në memorialin dhe muzeun e 11 shtatorit, aty ku dikur ishin Kullat, njerëzit vijnë të reflektojnë apo të mësojnë. Një brez i tërë ka lindur dhe është rritur që nga ajo ditë, mes tyre edhe Camille Kelly 17 vjeç, nxënëse e shkollës së mesme në Nju Jork. Ajo e vizitoi muzeun për herë të parë para tre vjetësh dhe kur mësoi gjithë historinë e asaj dite i lindi dëshira të bëhej vullnetare dhe t’u tregonte të tjerëve historinë e ditës që ndryshoi botën.

“U përgjigjem pyetjeve të njerëzve ose shkoj unë tek ata, u them informacionin që di. Disa prej tyre ndajnë histori me mua. Kam mësuar shumë dhe ka gjithmonë më shumë për të mësuar, por është një institucion i mrekullueshëm”, thotë ajo për Zërin e Amerikës.

Familjet që humbën të dashurit e tyre më 11 shtator 2001, janë të lidhura përgjithmonë nga tragjedia e asaj dite. Familjet Camaj dhe Dedvukaj janë të lidhura edhe nga fakti se janë dy nga vetëm tre familjet shqiptare që humbën të dashurit e tyre. E treta ishte ajo e 66 vjeçarit Mon Gjonbalaj, i cili sipas gazetës New York Times kur goditën avionët kishte telefonuar shtëpinë dhe kishte thënë: “Jam bllokuar. Nuk besoj se do t’ju shoh dot më. Mbajeni familjen të bashkuar”.

Pas 20 vjetësh, ajo që u sjell lehtësim këtyre familjeve janë emri i mirë dhe gjurmët që lanë ata që ikën atë ditë.

“Ka qenë i dashur, ka qenë i mirë. Jo se është djali ynë, po në të gjithë familjen, tek të gjithë, ka lënë dashuri e lezet. Gjithkujt kishte qejf me i ndihmu diçka”, thotë Vitoria.

“Ai na la fizikisht, por jo mendërisht. Ai është me ne çdo ditë, në çdo hap”, thotë Katrina.

Vincenti thotë se trashëgimia më e madhe që ka lënë pas Roko, është familja, fëmijët, nipërit dhe mbesat që e duan po aq, në mos më shumë se sa kur u largua nga kjo botë.

“Babai im ishte shtylla e familjes. Ai na mbante të bashkuar. Kur e humbëm ishte si të humbnim një pjesë tonën, por ai do të jetojë përmes nesh, gjithmonë në zemrat tona dhe është gjithmonë me ne”.

Sulmet e 11 shtatorit para 20 vjetësh, e ndryshuan përgjithmonë Amerikën dhe gjithë botën. Që nga ajo kohë ka pasur luftra, zhvillime dramatike politike dhe sociale dhe së fundmi një pandemic që po sfidon gjithë njerëzimin. Por për ata që humbën të dashurit e tyre atë ditë, çdo 11 shtator është një kujtesë e tragjedisë së jetëve dhe ëndrrave të këputura në mes, por edhe një shans për të reflektuar për trashëgiminë që ata lanë pas./ VOA

Etiketa: 11 shtatorishba

Ju sugjerojmë

Zbardhen emrat, kush votoi pro hapjes së garës për kreun e PD
Aktualitet

Zbardhen emrat, kush votoi pro hapjes së garës për kreun e PD

7 Qershor, 2023 10:18 am
Taulant Balla thirret në SPAK
Aktualitet

Taulant Balla thirret në SPAK

7 Qershor, 2023 10:07 am
54-vjeçari u dëmtua në punë, nën hetim mjeku dhe 3 punonjës të spitalit të Elbasanit
Kronikë

54-vjeçari u dëmtua në punë, nën hetim mjeku dhe 3 punonjës të spitalit të Elbasanit

7 Qershor, 2023 10:02 am
Disa deputetë braktisën mbledhjen e Kryesisë, Bejko: Thikë pas shpine për PD-në
Te Fundit

Disa deputetë braktisën mbledhjen e Kryesisë, Bejko: Thikë pas shpine për PD-në

7 Qershor, 2023 9:47 am
​​​​​​​Gjermani/ Kur kancelari i qetë ngre zërin
Bota

​​​​​​​Gjermani/ Kur kancelari i qetë ngre zërin

7 Qershor, 2023 9:12 am
30 mijë maturantë i nënshtrohen sot provimit të Gjuhës dhe Letërsisë Shqipe
Aktualitet

30 mijë maturantë i nënshtrohen sot provimit të Gjuhës dhe Letërsisë Shqipe

7 Qershor, 2023 9:03 am
Inceneratorët/ Tabaku pas dëshmisë në SPAK: Do kemi zhvillime, hetimet kanë avancuar
Aktualitet

Jorida Tabaku jep dorëheqjen si nënkryetare e Partisë Demokratike

7 Qershor, 2023 8:51 am
Video/Tension në mbledhjen e kryesisë së PD, mbështetësit e Bashës ofendojnë deputetët
Aktualitet

Video/Tension në mbledhjen e kryesisë së PD, mbështetësit e Bashës ofendojnë deputetët

7 Qershor, 2023 8:39 am
Reshje dhe temperatura deri në 17 gradë, moti për sot
Aktualitet

Mos harroni çadrën, ditën e sotme priten reshje shiu

7 Qershor, 2023 8:25 am
Kryesia e PD merr vendimin, zgjedhjet për kreun e partisë më 29 korrik
Aktualitet

Kryesia e PD merr vendimin, zgjedhjet për kreun e partisë më 29 korrik

7 Qershor, 2023 8:14 am
Para
Ministrja franceze nën hetim për menaxhimin e pandeminë

Ministrja franceze nën hetim për menaxhimin e pandeminë

Sekuestrohen 334 kg kanabis në Greqi, vinte nga Shqipëria

Sekuestrohen 334 kg kanabis në Greqi, vinte nga Shqipëria

Juventusi në krizë, mposhtet nga Napoli

Juventusi në krizë, mposhtet nga Napoli












TE FUNDIT

Zbardhen emrat, kush votoi pro hapjes së garës për kreun e PD

Zbardhen emrat, kush votoi pro hapjes së garës për kreun e PD
7 Qershor, 2023

Janë zbardhur emrat e demokratëve që votuan pro hapjes së garës për kreun e PD-së në mbledhjen e Kryesisë së...

Lexo më shumë

Taulant Balla thirret në SPAK

Taulant Balla thirret në SPAK
7 Qershor, 2023

Kreu i grupit parlamentar të Partisë Socialiste Taulant Balla është paraqitur pranë Prokurorisë së Posaçme këtë të mërkurë. Mësohet se...

Lexo më shumë

54-vjeçari u dëmtua në punë, nën hetim mjeku dhe 3 punonjës të spitalit të Elbasanit

54-vjeçari u dëmtua në punë, nën hetim mjeku dhe 3 punonjës të spitalit të Elbasanit
7 Qershor, 2023

Një 54-vjeçar është dëmtuar në punë në një firmë private. Ka qenë bashkëshortja e tij e cila pas lëndimit të...

Lexo më shumë

Disa deputetë braktisën mbledhjen e Kryesisë, Bejko: Thikë pas shpine për PD-në

Disa deputetë braktisën mbledhjen e Kryesisë, Bejko: Thikë pas shpine për PD-në
7 Qershor, 2023

Ish-kandidati i PD-së, për Bashkinë e Tiranës, Roland Bejko, në një deklaratë të dhënë,  pas mbledhjes së kryesisë, e ka...

Lexo më shumë
Opinion.al

Kategoritë

Kryesore

Aktualitet

Unë Shkruaj

Komente

Bota 

Sport 

Instabiz

Opinion Web Tv

Lifestyle

Galeri

About Us

ON AIR: E hene – E marte – E merkure – 22:15 E ejnte – 21:00

OPINION nga Blendi Fevziu. Emisioni politik me i ndjekur dhe me i preferuar ne ekranet shqiptare.
“Opinion” vjen ne kater takime cdo jave – e hene, e marte, e merkure dhe takimi tradicional i te ejntes mbrema.
Cdo jave ne studion e Tv Klan, komente, analiza, debate, komente, intervista, personazhe, deshmi dhe fakte konkrete. Ngjarjet me te fundit dhe me te rendesishme ne jeten politike dhe sociale te vendit, me debatet, opinionet dhe analizat e te ftuarve ne studio.
Salloni i politikes dhe aktualitetit hap dyert 4 mbremje ne jave, per te degjuar opinionet e politikaneve dhe analisteve. Padron i shtepise, gazetari dhe analisti Blendi Fevziu.

Të gjitha të drejtat e rezervuara Opinion ©2023
Dev By Techzero1.com

Nuk ka rezultat
View All Result
  • Hyrja
  • Kryesore
  • Aktualitet
    • Politikë
    • Kronikë
    • Sociale
  • Unë shkruaj
  • Komente
  • Bota
  • Sport
  • InstaBIZ
  • OPINION WEB TV
    • Emisionet
    • U tha në Opinion
    • Si u Veshën
  • Life Style
    • Shëndeti
    • Jetë dhe Stil
    • Teknologji
    • Kulturë

Të gjitha të drejtat e rezervuara Opinion ©2023
Dev By Techzero1.com