Bota

Hiqet detyrimi i maskës dhe distancimi për personat e vaksinuar në SHBA  


Bëhu pjesë e Grupit Zyrtar të Opinion.al
>> KËTU <<
               Publikuar në : 22:55 - 13/05/21 |
Opi Nion

Amerikanët që janë vaksinuar me të dy dozat, mund të lëvizin pa mbajtur maska dhe pa respektim të distancave fizike si në ambjentet e brendshme ashtu edhe në ato të jashtme. Ka qenë ky vendimi i CDC, autoriteti më i lartë shëndetësor i SHBA.

“Nëse jeni të vaksinuar dhe jeni jashtë, lëreni maskën tuaj në shtëpi”. Është ky mesazhi i fundit për amerikanët nga virologu Anthony Fauci, këshilltar shëndetësor i Presidentit Joe Biden.

Në një seri intervistash televizive të dhëna ditët e fundit, Fauci këmbënguli se në SH.B.A. është koha për të lehtësuar detyrimin për të mbajtur maska. “Ishte koha për një tranzicion dhe njerëzit e vaksinuar nuk kanë më nevojë të mbajnë një maskë jashtë, përveç rasteve kur janë në situata shumë të mbushura me njerëz. Por në të gjitha rastet e tjera, vendosni një maskë”, u shpreh Fauci.

Ai shpjegoi më pas se përdorimi i maskës mund të bëhet një zakon sezonal, për të luftuar përhapjen e sëmundjeve të zakonshme: “Shikoni se si këtë vit sezoni i gripit praktikisht nuk ka ekzistuar, sepse njerëzit kanë ndjekur ato rregulla shëndetësore që funksionojnë për Covid”.

“Sot është një ditë e shkëlqyeshme për Amerikën në betejën tonë të gjatë kundër Covid-19. Disa orë më parë, CDC njoftoi se nuk do të rekomandohet më që njerëzit e vaksinuar plotësisht të mbajnë maska”: tha Joe Biden duke folur nga Kopshti i Trëndafilave në Shtëpinë e Bardhë, nga ku u bëri thirrje amerikanëve të vaksinohen.

“Zgjedhja është e juaja, vaksinohuni ose vazhdoni të mbani një maskë derisa të imunizoheni”, tha Presidenti./Opinion.al

Pas